أمثال شعبيه سوريه

-أدن من طين وادن من عجين
2-ايدين دكك ورجلين سكك
3-أكبر منك بيوم أعرف منك بسنة
4-العاب بالمقصوص حتى يجيك الطيار
5-الحجر مطرحو قنطار
6-النار ما بتحرق ايد إلا كاويها
7-الحجر اللي ما بيعجبك بفجك
8-المونة بدا ركونة ما بدا مرا مجنونة
9-الرجل ما بتدب غير مطرح ما بتحب
10-الحب مطب والعاشق أعمى
11-أكل ومرعى وقلة صنعة
12-الجواب بمحلو متل الدهب بمغلو
13-السكافي حافي والحايك عريان
14-اللي فيه مسلة بتنغزو
15-ألف قلبة ولا غلبة
16-ألف عين تبكي وعين أمي ما تبكي
17-الرجال عند غراضها نسوان
19-العين ما بتعلا عالحاجب
20-الدم ما بيصير مي
21-الديك الفصيح من البيضة بيصيح
22-الحكي صابون القلوب
23-العين بصيرة والايد قصيرة
24-العز للرز والبرغل شنق حالو
25-العروس بعلقها وقلة أكلها
26-الطبل بحرستا والزمر بمنين
27-البحر ما بتعكرو ساقية
28-آب اللهاب
29-ايلول دنبو مبلول
30-الرحمة مخصصة والبلا بيعم
31-ألف قولة جبان ولا قولة الله يرحمه
32-الموت مع الناس رحمة
34-الحية إذا جاعت بتعض بطنها
35-الكلام بينداق متل الطعام
36-اذا احتجت الكلب قوللو يا حاج كلب
37-الله بيطعم الحلاوة للي مالو سنان
39-القرد بعين أمو غزال
40-الضرف العايب نافخو تعبان
41-الكلام اللي ما بينفد ياحسرة قايلو
42-الحكي الك يا كنة اسمعي يا جارة
43-الآخرة يا فاخرة
44-الرايح بايدو والجاية بايد الناس
45-الغايب حجتو معو
46-ايمتا كنا والشمس ترقعنا
47-اجا ليكحلها عماها
48-الرمد أشوى من العمى
49-العيرة ما بتدفي وان دفت ما بتوفي
50-ايد واحدة ما بتصفق
51-إن داقت عليك المخازن مخزنك عبك
52-البخشيش بالدرهم والعطا بالقنطار
53-إن كان حبيبك عسل لا تلحسو كله
54-الله يطعمك حجة والناس راجعة
55-الولد اللي ما بيبكي امو ما بترضعو
56-أعزب دهر ولا أرمل شهر
57-اذا الصغير انتشا الكبير باس ايدو
58-الطرق ولو دارت والبنت ولو بارت
59-الدهر يوم الك ويوم عليك
60-الخبز والماء أكل العلماء
61-الحارة ضيقة والحمار رفاس
62-الله ما نشاف لكن بالعقل نعرف
63-الخوف بيقطع الجوف
64-الرطل بدو رطل ووقية
65-الصاحب ساحب
67-الجنازة حامية والميت كلب
68-الأعور بين العميان ملك
69-الخير بخير والشر بغير
70-الجمل اذا بار بيحمل قنطار
71-العين مغرفة الكلام
72-إن عاب عليك أصلو دلايلو فعلو
73-الجمل لولا الفزة لحمل المزة
74-القط ما بيهرب من العرس
75-الجار قبل الدار
76-الولد ولد ولو صار قاضي بلد
77-الجحشة بعليقها والأصيلة بعليقها
78-إذا كان صاحبك عسل لا تلحسو كلّو
79-يا رايح كتّر ملايح
80-حبل الكذب قصير
81-فرخ البط عوّام
82-شحّاد ومشارط
83-على قد لحافك مد رجليك
84-أسأل مجرب ولا تسأل حكيم
85-يلّي ايدو بالمي مو متل يلي ايدو بالنار
86-خيرها بغيرها
87-غابت السباع . ولعبت الضباع
89-الي ايدو بالمي مش متل الي ايدو بالنار
90-الي بياكل العصي مش متل الي بيعدها
91-الي ب‎ياخد امنا بنئلو عمنا
92-الك تاكل عنب يما تقتل الناطور
93-ابعد عن الشر و غني له
94-اكرموا عزيز قوم ذل
95-اذا رجعت من السفر قدم لاهلك و لو حجر
96-ابن الحلال عند ذكرو يبان
97-انا امير و انت امير و مين بيسوق الحمير
98-الي ما بيخاف من الله خاف منو
99-الي عند الاجاويد ما بيضيع
100-الي بيشوفني بعين بشوفو بتنتين
101-ان الطيور على اشكالها تقع
102-ابن ادم لو لا ظنو دخل الجنة
103-ابن ادم عينو طماعه مايملاها الا التراب
104-ابر من برد كوانين
105-الاب عاشق و الام غيرانه و بنتن بالدار حيرانه
106-ابن الابن ابن الحبيب و ابن البنت ابن الغريب
107-اذا صفيت النيه اللقمة بتكفي ميه
108-اضرب كلبك يتربى ابنك
109-اتفق القط و الفار على خراب الديار
110-بس شم تحت باطه صار يرفس
111-البير اللي تشرب منو لا تزت في حجر
112-لبنت ياجازتها ياجنازتها
113-الباب الي يجي منو الريح سدو و استريح
114-بعد سنه و شهرين جابت صبي بلا عينين
115-بدو يعرف القار و القرقير و البيضة كيف بتصير
116-بعد الكبرة جبة حمرا
117-بات مغلوب و لا تبات غالب
118-بدال خطوطك و الحمرة غسلي وشك يا سمرا
119-بعدي ما تطلع الشمس
120-بيضة اليوم و لا دجاجة بكرا
121-البرد سبب كل عله
122-برغوت قال للبقة يضرب الشرشوح اذا ترقى
123-البرطيل يحل دكة القاضي
124-بين المغرب و العشا يفعل الله ما يشا
125-بيت السبع ما بيخلا من العظام
126-بشر القاتل بالقتل و لو بعد حين
127-بالوجه مرايي و بالقفا صرمايي
128-بيعمل من الحبة قبه
129-بارك الله في من زار و خفف
130-بحصه بتسند خابيه
131-بحاكيك يا كنة تتسمعي يا جارة
132-البعد جفا
133-بشار البخيل بحادث او وارث
134-البيت الي ربه مرا كل ماله لورا
135-براسه موال بدو يغنيه
136-بدال اللحمه و الباتنجان عاتلك قميص يا عريان
137-الامثال الشعبية حرف التاء
138-تحت الشواهي دواهي
139-تيتي تيتي مثل ما رحتي جيتي
140-تغد و تمد .. و تعش و تمش
141-تاجر الحمص يشوف البندق ينفلج
142-تاجرنا بالاكفان بطل حدا يموت
143-تركت ابنها يعيط و راحت تسكت ولد الجيران
144-تقول له ثور يقول لك احلبه
145-التكرار يعلم الحمار
146-نمسكن حتى تمكن
147-تجوزنا لنتستر الله يرحم ايام الفضيحة
148-تعود القط عا بيت العميان
149-تغيير الهوا احسن دوا
150-تغد بالجدي قبل مايتعشى فيك
151-التفاحة المعطنة بتنزع صندوقه بحاله
152-التمني راس مال المفلس
153-تجوزوا الفقرا كترو الشحادين
154-تمي اقرب لي من امي
155-التجربة اكبر برهان
156-تعاشروا كالاخوان و تحاسبوا كالأباع
157-ثلاثة مامنهم امان البحر والسلطان و الزمان
158-ثلاثة مابتنطاق النق و الطق و البق
159-الثقيل اذا اوما بلى الشمس بالعمى و اذا داس بالشرق وصل الغرب بالسما
160-الثعلب شاف العنقود عالي قال قلبي من الحامض لاوي
161-الثعلب ياكل من الجفنة و بس شبع يقول العنب مر
162-الثوب الي اكبر منك يتعبك
163-ثلاثة مالهم وفا الفرس و السيف و النسا
164-ثلاثة ما منهم ثمرا الميراث و القمار و مصاري المرا
165-ثوب الكسلانه مفعوس لا منطوي و لا ملبوس
166-الثوم طعمته مليحة بس ريحته فضيحة
167-ثور ربته مرا ما حرث
168-ثوب العيارة ما بيدفي و ان دفى ما بيدوم
169-ثلاثة ما بيتخبوا الحب و الحبل و الركوب على الجمل
170-الثنا و لا الغنى
171-الثواب على قدر قدر المشقة
172-ثروة الانسان صحته
173-جبنا الاقرع ليونسنا كشف عن قرعته و خوفنا
174-الجنازة حاميه و الميت كلب
175-جوع كلبك يتبعك
176-جارك القريب و لا خيك البعيد
177-الجمل لو شاف حردبتو كان وقع و فك رقبتو
178-الجنة بلا ناس ما بتنداس
179-جوزي بيكذب علي و انا بكذب على الجيران
180-الجوعان ما بتنقبل شهادته
181-الجاجه ما بتبطل كارها لو قصوا لها منقارها
182-الجازه ستره ماهي تجره
183-الجاي احسن من الرايح
184-جبناك يا عبد المعين لتعين تاريك با عبد المعين تنعان
185-جعجعه بلا طحن
186-الجود من الموجود
187-جوزت بنتي لاخلص من بلاها رجعت و جابت لي معاها
189-الجاهل لا تطيعه و العاقل لا تبيعه
190-جدي بدو يلعب بعقل تيس
191-الجنزير و الطوق و لا القعدة مع قليل الذوق
192-جوزوا مشكاح لريما ما على التنين قيمة
193-جبال الكحل تفنيها المراود و كتر المال تفنيه السنين
194-الجمرة ما بتحرق الا كف حاملها
195-جلد ما هو جلدك عالشوك جره
196-جحا طلع عالنخلة اخذ تاسومته معه
197-جوزنا الشحاده للغني خبت الاكل و قالت شتي حسنة
198-الجمل بمصريه و مصريه مافي
199-جرح الخنجر يطيب و جرح اللسان مايطيب
200-حمارتي العرجه و لا فرس ابن عمي
201-الحيط الواطي يعلم الحرامي السرقه
202-الحية مابيبرد دمها لتنفض سمها
203-حية بالكوارة و لا مرا قهارة
204-حط راسك بين هالروس و قول يا قطاع الروس
205-حسبنا الباشا باشا تاري الباشا زلمي
206-حمار انعزم على عرس يا رجد ميه يا حمل حطب
207-الحب ستار العيوب
208-حساب بالحقلي و لا قتال عالبيدر
209-حط بالخرج
210-حبل الكذب قصير
211-حظ اعطيني و بالبحر ارميني
212-حكي بدري انشرح صدري
213-حضر المعلف قبل مايجي الفرس
214-حر الصيف احد من السيف
215-حساب الحقل ما اجا على البيدر
216-الحجر الي مايعجبك يفجك
217-حاميها حراميها
218-الحبل عالجرار
219-حبله و مرضعه و شايله اربعة و طالعة عالجبل تجيب دوا الحبل
220-الحرام يروح هو واهله
221-الحذر ما ينجي من القدر
222-حبيبي بحيه و لو كان عبد اسود
223-حلاق فتح باقرع و استفتح
224-الحلوة حلوة و لو قامت من النوم و البشعة بشعة و لو تغسلت كل يوم
225-حماتي الله يحميها و بنار جهنم يرميها
226-حنطة و لا شعير
227-الحكي هين و الفعل صعب
228-حبيبي و عيني و ع الجيب لا تقرب
229-حبني و خدلك جمل قلو اذا كانت معدتي ما تهضمك شو العمل
230-حشري نزل على جهنم قال الحطب نديان قالوا له احترق و سكوت
231-الحاجة ام الاختراع
232-خل العسل بجرارو حتى تجي اسعارو
233-خود الاصيل و لو عالحصير
234-خير البر عاجله
235-خيط مطه ....كل مين يطلع عليه شي يحطه
236-خير لا تعمل شر ماتلاقي
237-خرجه الله لا يقيمه
238-خطبوها تعززت و تركوها تندمت
239-خل ببلاش و لا عسل بحقه
240-خليه بالقلب يجرح و لا يطلع لبرا و يفضح
241-خنفسة شافت بنتها عالحيط قالت لولاية و مشكولة بخيط
242-خبز الرجال عالرجال دين و على الانذال صدقه
243-خود الحكمة من افواه المجانين
244-الخصلة اللي بالبدن ما يغيرها الا الكفن
245-خبزه مخبوز و ميته بالكوز
246-خذوا اسرارهم من صغارهم
247-خذوا البنات من صدور العمات
248-خذ من الحزمة عود و الباقي تنعته القرود
249-خبي قرشك الابيض ليومك الاسود
250-خذ الزرايب و لا تاخذ من القرايب
251-خمسة ستة بخدمتها و هي بتشرق مخطتها
252-خير يا طير
253-خبيتك يا دمعتي لوقت شدتي
254-خمي و باتي و لا تاكلك حماتي
255-الخير بالخير و البادي اكرم و الشر بالشر و البادي اظلم
256 -الخير يخص و الشر يعم
257-خيره لغيره
258-خالف تعرف
259-خوفه بالموت بيضى بالحمى
260-الخط الاعوج من الثور الكبير
261-دبور زن على خراب عشه
262-دردبيس ما بيعرف الجمعه من الخميس
263-دخل عصه بشي مايخصه
264-الداخ مفقود و الخارج مولود
265-دود الخل منه و فيه
267-دخول الحمام ما مثل خروجه
268-دوام الحال من المحال
269-دوا الدهر الصبر عليه
270-دور لابنك على خال
271-الدين يبني و التعصب يفني
272-الدنيا سلالم ناس بتطلع و ناس يتنزل
273-الدنيا يوم الك و يوم عليك
274-دبور هدا على مسن قال له سن اذاب تسن
275-درب السد ما يرد
276-الدارس غلب الفارس
277-دخل شعبان برمضان
278-دقه عالحافر و دقة عالمسمار
279-الدين هم باليل و مذله بالنهار
280-دار الظالمين خراب
281-الدراهم مراهم حطها عالجرح يطيب
282-الدرجة اوثق من السلم
283-الدبور ما بيعطي عسل
284-درهم وقاية خير من قنطار علاج
285-الدم ما بيصير مي
286-دق المي و هي مي
287-دكة مطرزة على لباس خام
288-الدفا عفا و لو بعز الصيف
289-الدنيا اذواق فيها مشكل ملون
290-دير المفلس عالمفلس بتشوف العجب
291-الدين سواد الخدين
292-ذكرنا القط اجا ينط
293-الذبابة ما تقتل بستقلب منافس
294-ذنيك على جنبك
295-الذبان يعرف وجه البان
296-ذكر الفيل بلاده
297-ذرة الايمان بتعمل المعجزات
298-الذبان يلحق دقن بياع الدبس
299-ذهب عصيري و بقي ثجيري
300-ذنب استنعج

ولي شو هاد تلت رباعون ما فهتون هلق هدول عبري ولا عربي

يعطيك العافية كتير حلوين ومفهوميييييين

شايف ديفيد حاسه إني عم أكتب سنسكريتي مو عربي وخصوصا في أي بي
بأختصار ما بعرف؟

ايه شو عليه لا تعرفي صار الواحد بهالدنيا عيب ما يفهم لازم يعمل حالو فهيم بكل شي ويفوت عالموضوع يزت كلمة شكرا ويمشي

لأ مو هيك لا تأخذيني
بس شو المتل إلي ما فهمتيه أليلي رقموا وأنا من عيوني بشرحلك ياه
شو نحنا ما منقدر على زعلك ولو vip والله أنتي غاليه عا الكل
وبتمنى تكوني سامحتيني

مو مشكلة لك شو سامحتك ما سامحتك شو شايفتيني السلطان عبد الحميد مو مشكلة ولو
ومشان الامثال ما رح اسأل لأنو ما بيهموني مو لأنك انتي كاتبتيون لأنو انا أصلا ما بحب الأمثال لأنو ما باخد بحكيون فشوفيلي بالله رقم 3 هاد كتيييييييييير بتجاكر منو لأنو مو مظبوط في ناس أكبر مني بلاقيون اعرف مني
وفي متل تاني تبع كول اللي بتهواه نفسك ولبيس اللي بيليق بين الناس
ايه لاءا بدي البس على كيفي ومالي بحكي الناس

هلأ المتل الثالث معك حق مو دائما ظابط إحيانا بيكون واحد عمرو 30 سنه بيحكي مع واحد عمرو 20 سنه بيلا قيه أفهم منوا
بس معنى المتل مو با العمر با العقل أنتي أكيد فهمتي علي
والمتل التاني يعني شو ما أكلتي الناس مارح تعرف بس اللبس كل الناس بدا تشوفك فيه صح
موفقه في إي بي

ايه معك حق بس لما البس أنا رح البس اللي بحبو مارح البس اللي بيحبوه الناس وميرسي الالك لأنو نقاشك حلو وهادي

يعطيك العافية كتير حلوين مشورة على الموضوع...الروك